សូមស្វាគមន៍ចំពោះការចូលរួមទស្សនាគេហទំព័រពីអតិថិជន ដៃគូរពាណិជ្ជកម្ម និងវិនិយោគិនទាំងអស់​ ។

យើងខ្ញុំជួសមុខឲ្យគណៈគ្រប់គ្រង, បុគ្គលិក-កម្មករនៃក្រុមហ៊ុន ម៉ែន សារុន សូមជំរាបជូនអតិថិជន​ទាំ​ងអស់អំពី ប្រវត្តិសង្ខេបរបស់ក្រុមហ៊ុន​ដូចតទៅ៖

ក្រុមហ៊ុន ម៉ែន សារុន បានចាប់បដិសន្ធិនៅឆ្នាំ ១៩៩៤​ ដោយស្ថាបនិកឯកឧត្តម-អ្នកឧកញ៉ា ម៉ែន សារុន និង លោកជំទាវ ហេង ហ៊ាប ដែលមានទីតាំងស្ថិតនៅចំកណ្តាលរាជធានីភ្នំពេញ ផ្ទះលេខ ១២ មហាវិថី ម៉ៅ សេទុង សង្កាត់ទន្លេបាសាក់ ខណ្ឌចំការមន រាជធានីភ្នំពេញ និងទីតាំងរោងចក្រស្ថិតនៅតាមបណ្តោយ​ផ្លូវជាតិលេខ ៥ ត្រង់​បង្គោល​គីឡូម៉ែត្រលេខ ១៧​ ភូមិឌួង សង្កាត់ព្រែកព្នៅ ខណ្ឌសែនសុខ ។

ក្រោមកិច្ចខិតខំប្រឹងប្រែងពីឯកឧត្តម-អ្នកឧកញ៉ា និងលោកជំទាវ ព្រមទាំងបុគ្កលិក-កម្មករទាំងអស់សមិទ្ធិផល នានា​ជាច្រើនត្រូវ​បង្កើត​ឡើង​ជា​បន្តបន្ទាប់មាន​ដូចជាៈ

១- រោងចក្រកែច្នៃអង្ករៈ បានបង្កើតឡើងនៅឆ្នាំ ១៩៩៤ សំរាប់ផ្គត់ផ្គង់ជូនរាជរដ្ឋាភិបាលកម្ពុជា (ក្រសួង​ការពារជាតិ និងក្រសួងមហាផ្ទៃ) និងសំរាប់ផ្គត់ផ្គង់ទីផ្សារក្នុងស្រុកផងដែរ ។ ទន្ទឹមនឹងការរីកចំរើនរបស់​ប្រទេសជាតិ រោងចក្រ​កែច្នៃអង្ករ ម៉ែន សារុន ក៏បានពង្រីកសក្កានុពលរបស់ខ្លួនផងដែរ ដោយបានបំពាក់នូវ​ខ្សែសង្វាក់ផលិតកម្ម​ទំនើបដែល​អាច​ផលិតអង្ករបាន ២៥ តោនក្នុងរយៈពេលមួយម៉ោង និងស្របតាម​ស្តង់ដារ​អន្តរជាតិដូចជា៖ ម៉ាស៊ីនសំងួត, ម៉ាស៊ីន​កិន​ស្រូវ, ម៉ាស៊ីន​ប៉ូលៀរអង្ករ, ម៉ាស៊ីនរើសពណ៌អង្ករ, ជញ្ជីងថ្លឹងស្វ័យប្រវត្តិ (ដេរ ឬអ៊ុតមាត់) ។ល។

២- រោងចក្រផលិតម្សៅមីៈ នៅឆ្នាំ ២០០០ ក្រុមហ៊ុនយើងខ្ញុំបានដាក់ឲ្យដំណើរការនូវរោងចក្រផលិតម្សៅមី ដែលមាន​សមត្ថភាពផលិតម្សៅមីបាន ៣០.០០០ ទៅ ៥០.០០០ តោនក្នុងមួយឆ្នាំ សំរាប់ផ្គត់ផ្គង់តំរូវការទី​ផ្សារក្នុងស្រុក ហើយបច្ចុប្បន្នរោងចក្រនេះត្រូវពង្រីកសមត្ថភាពរបស់ខ្លួនរហូតដល់់ ៥០.០០០ ទៅ ១០០.០០០​ តោនក្នុងមួយឆ្នាំ សំរាប់ផ្គត់ផ្គង់តំរូវការទីផ្សារក្នុងស្រុក​ និងនាំចេញទៅកាន់ទីផ្សារអន្តរជាតិ ដែល​បានបំពាក់ ដោយម៉ាស៊ីនទំនើបបំផុតជា​បច្ចេកវិទ្យាចុងក្រោយរបស់បណ្តាប្រទេសនូវអឺរ៉ុប ។

៣-រោងចក្រផលិតមីកញ្ចប់ៈ ដើម្បីចូលរួមចំណែកក្នុងបង្កើនផលិតផលក្នុងតាមគោលការណ៌របស់​រាជរដ្ឋាភិបាល​​កម្ពុជា ដែលមាន​សម្តេចអគ្គមហាសេនាបតីតេជោ ហ៊ុន សែន ជាប្រមុខដ៏ឆ្លាតវៃ ក្រុមហ៊ុន ម៉ែន សារុន យើងខ្ញុំ​ក៏បាន​បង្កើតរោងចក្រផលិតមីកញ្ចប់ ក្រោមឈ្មោះថា មីយើង,​ មីខ្មែរយើង​ និងមីប្រាជ្ញា ដែល​ផលិតតាម​បច្ចេកវិទ្យា​របស់​សហរដ្ឋអាមេរិក​ និងជប៉ុន ចំពោះវត្ថុធាតុដើមគឺ​ផលិតពីធម្មជាតិពិតរសជាតិ​ឈ្ងុយឆ្ងាញ់ ។

ក្រៅពីនេះក្រុមហ៊ុនយើងខ្ញុំធ្លាប់បានតំលើងរោងចក្រកែច្នៃឈើកៅស៊ូចាស់​ ៗ អស់លទ្ធភាពជៀជ័រ (ពីឆ្នាំ ១៩៩៦-​២០០៣) និងមានដីសម្បទានសេដ្ឋកិច្ចចំនួនពីរកន្លែងៈ មួយកន្លែងមានផ្ទែដីចំនួន ៤.៤០០ ហិកតា នៅស្រុកមេមត់ ខេត្តកំពង់ចាម និងមួយទៀតមានផ្ទៃដីចំនួន ៦,៣២៤​ ហិកតា នៅស្រុកអូរយ៉ាដាវ ខេត្តរតនគីរី ដែលសមស្រប​ក្នុងការវិនិយោគដាំដំណាំកៅស៊ូ, កាហ្វេ និងដំណាំកសិ-ឧស្សាហកម្មផ្សេង ៗ ទៀត ។

ជាទីបញ្ចប់ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងអស់ដែលបានចំណាយពេល​​ទស្សនា​​គេហទំព័រ ប្រសិបបើមានចំងល់ ឬបញ្ហាណាមួយទាក់ទងនឹងក្រុមហ៊ុនយើងខ្ញុំសូមទាក់ទងមកយើងខ្ញុំ​តាមរយៈ​​ទូរស័ព្ទលេខៈ​ ០២៣ ២១៨ ៥០៥ ទូរសារលេខៈ ០២៣ ២១៣ ៣០៥ សារអេឡិចត្រូនិក​(E-mail): អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​សំបុត្រ​​ឥត​ប្រយោជន៍​ផ្សេងៗ។ អ្នក​ត្រូវ​ការ​អនុញ្ញាត JavaScript ដើម្បី​មើល​វា។